शुक्रवारी घोडबंदररोड, मुंब्रा परिसरात पाणी नाही

शुक्रवारी घोडबंदररोड, मुंब्रा परिसरात पाणी नाही

ठाणे

ठाणे महानगरपालिका स्टेम प्राधिकरण यांचेमार्फत होणारा पाणीपुरवठा त्यांच्या अत्यावश्यक विविध दुरूस्तीच्या कामाकरिता शुक्रवार दिनांक 12.06.2020 रोजी सकाळी 9.00 ते शनिवारी सकाळी 9.00 वाजेपर्यत 24 तास बंद ठेवण्यात येणार आहे. परिणामी शुक्रवार दिनांक 12.06.2020 रोजी सकाळी 9.00 ते संध्याकाळी 9.00 वाजेपर्यत घोडबंदर रोड, पातलीपाडा, कासारवडवली, पवारनगर, कोठारी कंपाऊंड, आझादनगर, डोंगरीपाडा, वाघबीळ, ओवळा व मुंब्रा इत्यादी ठिकाणचा पाणीपुरवठा 12 तासांसाठी बंद राहील. तसेच रात्री 9.00 ते शनिवार सकाळी 9.00 वाजेपर्यत ‍सिध्देश्वर तलाव, समतानगर, दोस्ती, आकृती, जॉन्सन, इटर्निटी, जेलपरिसर, साकेत, ऋतुपार्क इत्यादी ठिकाणचा पाणीपुरवठा 12 तासांसाठी बंद राहणार आहे. वरील शटडाऊनमुळे पाणीपुरवठा पूर्वपदावर येईपर्यत पुढील 1 ते 2 दोन दिवस कमी दाबान पाणीपुरवठा होण्याची शक्यता आहे. तरी नागरिकांना पाण्याचा योग्य तो साठा करुन ठेवावा व ठाणे महापालिकेस सहकार्य करावे असे आवाहन उपनगर अभियंता, पाणीपुरवठाविभाग, ठामपा यांनी केले आहे.