मास्क आणि सॅनिटायझर वाटपमुळे गर्दी
शासकीय निर्देशांची पायमल्ली झाल्याची चर्चा
ठाणे :
ठाण्यात पालकमंत्री आणि पोलीस आयुक्तांच्या उपस्थितीत याबाबतच्या निर्देशांची मंगळवारी पायमल्ली करण्यात आल्याचे चित्र पहायला मिळाले. ठाणे स्टेशन आणि तीनहातनाका परिसरात मास्क आणि सॅनिटायझर वाटपा पालकमंत्री पोलिस आयुक्त यांच्या उपस्थितीत करण्यात आले. यासाठी रिक्षाचालकांसह पोलीस कर्मचाऱ्यांनी केलेली तोबा गर्दी पाहता, हे तर कोरोनाला एक प्रकारे निमंत्रणच असल्याची चर्चा सुज्ञ नागरिकांमध्ये होती. कोरोनाचा संसर्ग टाळण्यासाठी कमीत कमी गर्दी करणे, हा प्रतिबंधात्मक उपाय असून, त्यासाठी शासनस्तरावर विविध उपाययोजनांसह मोठ्या प्रमाणात जनजागृती सुरू आहे.
ठाणे स्टेशन आणि तीनहातनाका परिसरात रिक्षाचालकांसह पोलीस कर्मचाऱ्यांना मंगळवारी मास्क आणि सॅनिटायझर वाटप करण्यात आले. स्टेशन परिसरात या कार्यक्रमाला पालकमंत्री एकनाथ शिंदे आणि पोलीस आयुक्त विवेक फणसळकर जातीने उपस्थित होते. एकीकडे शासनाकडून गर्दी न करण्याचे आदेश असताना दुसरीकडे स्टेशन परिसरात कार्यक्र माचे आयोजन करून मोठी गर्दी करण्यात आली. पालकमंत्र्यांनी वागळे इस्टेट पोलीस ठाण्यातील कर्मचा यांना या वेळी मास्क आणि सॅनिटायझरचे वाटप केले. वरिष्ठ पोलीस निरीक्षक ए. एस. पठाण हेदेखील या कार्यक्रमासाठी उपस्थित होते.
स्टेशन परिसरातील कार्यक्रमाची सुरुवात करून दिल्यानंतर पालकमंत्री आणि पोलीस आयुक्त निघून गेले. ते जाताच मास्क आणि सॅनिटायझर पदरात पाडून घेण्यासाठी रिक्षाचालकांसह पोलीस कर्मचा-यांची एकच झुंबड उडाली. मास्क घेण्यासाठी रिक्षाचालक रांगेत दाटीवाटीने उभे होते. गर्दी एवढी झाली होती की, या परिसरात श्वास घेणेही कठीण झाले होते. कार्यक्रमाचा उद्देश चांगला असला तरी अशी गर्दी जमवून कोरोना कसा हद्दपार होणार, अशी कुजबूज येथून जाणा या सुज्ञ नागरिकांमध्ये होती.
