मीरा रोड : मीरा रोडला राहणारी मराठमोळी तरुणी ऋतुजा रावण हिने राष्ट्रीय पातळीवर महाराष्ट्राचा झेंडा फडकवला. दिल्लीत आयोजित डियाडेम मिस इंडिया 2020 मध्ये द्वितीय उपविजेतेपद पटकावलं. मीरा रोडमधील घरी आल्यावर ऋतुजा रावणचा सत्कार करण्यात आला.
ऋतुजा रावण सध्या एका विमान सेवा कंपनीत एअर हॉस्टेस म्हणून नोकरी करते. Diadem Miss India 2020 च्या 2nd runnerup होण्यापर्यंत ऋतुजाचा प्रवास सोप्पा नव्हता. त्याचं कारण म्हणजे या क्षेत्रातील अनुभव अगदीच नगण्य होता.
नवीन क्षेत्र आणि प्रचंड स्पर्धा याची माहिती असतानाही केवळ आत्मविश्वास आणि मेहनतीच्या बळावर तिने यश मिळवलं. वडिलांचं छत्र हरपलं असतानाही आपल्या आईचा आधार, या ताकदीवर ऋतुजा रावणने या स्पर्धेत सहभागी होण्याचे ठरवले… अँड रेस्ट इज द हिस्ट्री.
