राष्टवादीचे ठाणे शहर अध्यक्ष आनंद परांजपे रुग्णालयात
ठाणे :
ठाण्यातील राष्टवादीचे शहर अध्यक्ष आनंद परांजपे यांना कोरोनाची लागण झाल्याने त्यांना उपचारार्थ रुग्णालयात दाखल केले आहे. यापूर्वी गृहनिर्माण मंत्री जितेंद्र आव्हाड यांच्या ताफ्यातील पाच सुरक्षारक्षक, आचारी २ कार्यकर्ते अशा १४ जणांना कोरोनाची लागण झाल्याची घटना ताजी असतांनाच आता त्यात राष्टवादीच्या या बड्या नेत्याचा यात समावेश झाला आहे. कोरोनाबाधीत रुग्णांच्या संपर्कात आल्यानेच त्यांना त्याची लागण झाल्याची माहिती पुढे येत आहे. त्यामुळे आता त्यांच्या संपर्कात आलेल्या इतर पदाधिकाऱ्यांची माहिती गोळा करण्याचे काम महापालिकेच्या माध्यमातून सुरु झाले आहे. सोमवारी शहरात ३० रुग्णांची भर पडल्यानंतर मंगळवारी त्यात आणखी सात जणांची भर पडली असून शहरातील कोरोनाबाधीत रुग्णांचा आकडा हा आता कल्याण डोंबिवलीहून अधिकचा झाला आहे. ठाणे जिल्ह्यातील कोरोनाबाधितांची संख्या २५१ झाली झाली आहे. तर ११ जणांचा मृत्यू आतापर्यंत झालेला आहे. त्यामुळे जिल्ह्यावरील कोरोनाचे संकट अधिकच गडद होत आहे. जिल्ह्यात मंगळवारी ठाणे महानगरपालिका क्षेत्रात सर्वाधिक सात नवीन रुग्ण आढळून आल्यामुळे कोरोनाबाधित रुग्णांची संख्या ८२ वर पोहोचली आहे
