ठाणे जिल्हा रुग्णालयात आतापर्यंत ४२ जण दाखल, २८ पॉझिटिव्ह
ठाणे :
कोविड १९ चे विशेष रुग्णालय म्हणून ठाणे जिल्हा रुग्णालय जाहीर झाल्यानंतर तेथे संशयित रुग्णांना दाखल केले जाऊ लागले.आतापर्यंत ४२ जणांना दाखल केले असून त्यामध्ये २८ पॉझिटिव्ह आहेत. आठ जणांचा अहवाल निगेटिव्ह आला आहे. उर्वरित जणांचा अहवाल येणे बाकी आहे. या रुग्णांपैकी २८ जण ठामपा, वसई-विरार- ८, पालघर-१, भिवंडी-१, केडीएमसी-१, मीरा-भा इंदर-१,अंबरनाथ-१, ठाणे ग्रामीण-२ आणि उल्हासनगर-१ असे आहेत.
गेल्या २४ तासांत ठाणे जिल्ह्यात आणखी १५ रुग्णांचा अहवाल पॉझिटिव्ह आल्याने रुग्णसंख्या १८७ झाली आहे. ठाणे पालिका कार्यक्षेत्रातील वागळे इस्टेट परिसरातील ७२ वर्षीय व्यक्ती कोरोनाबाधित निघाला असून, ते ज्या डॉक्टरकडे गेले होते, त्यांना क्चारंटाइन केले आहे.
नवी मुंबई कार्यक्षेत्रात सलग दुसऱ्या दिवशी एका रुग्णाचा मृत्यू झाला असून, येथील आतापर्यंत सर्वाधिक ३ रुग्ण दगावले आहेत. जिल्ह्यातील कोरोना बळींची संख्या दहावर पोहोचली आहे. नवी मुंबई, कल्याण-डोंबिवली, मिरा-भाः इंदर येथे प्रत्येकी ४ रुग्ण आढळले आहेत. भिवंडी येथे रविवारी पहिला रुग्ण आढळला आहे. आता ठामपा-४५, केडीएमसी-५५, नवी मुंबई-३९, मिरा-भाः इंदर-३६, अंबरनाथ-३, कुळगाव-बदलापूर-४,ठाणे ग्रामीण-३, उल्हासनगर आणि भिवंडी प्रत्येकी एक असे एकूण १८७ रुग्ण सापडल्याची माहिती सूत्रांनी दिली.